الامتحانات خلصت والتدريب الصيفى شغال والواحد مستمتع بالنظام اللى مختاره فى الصيف لكن ,جاء الخبر.
كانك راكب عربيه ماشية على 180كم/ساعه وفجأه وجدت امامك مطب عامل زى الجبل ,فالنتيجه الطبيعيه
هى تدميرالعربيه (ده هو لو عشت عشان تعرف اللى حصل)
هو ده تقريبا الى حصل , الواحد كان شغال زى الفل والمواضيع كلها ماشيه صح وحسب النظام الطبيعى كان الصيف ده هيكون فيه فوائد كثيرة وفجأه عرفت النتيجه , انا ساقط فى 4 مواد وكمان ضعيف جدا وشايلهم عشان الورقه النظرى
المهم عشان الواحد يعرف يفكر ولازم يكون فى حاله عقليه مناسبه عشان يوصل لاحسن قراره طيب انا ليه باكتب عن الموضوع ده والاهم انه غريب شويه ان واحد يشيل 4 مواد
ويروح يكتب فى الموضوع, طيب ليه ؟ عشان حاجه واحده بس , اللى يقرا الكلام ده انا اتمنى ان يستفيد عشان يتعلم من تجارب الاخرين
المهم , ببساطه اللى حصل ان النتيجه نفسها لم تكن هى المشكله . الموضوع كان فى عدم الاستعداد النفسى لتقبل الفشل الى جانب ان رد فعل معظم من عرفوا الموضوع كان اما الدهشة او عدم الاستعداد النفسى لتقبل الفشل الى جانب ان رد فعل معظم من عرفوا الموضوع زكان اما الدهشه او عدم تصديق الخبر اساسا.
فاذا كان هذا الرد فعل الاشخاص الذين يروا الحاله من بعيد , فماذا يكون رد فعل الشخص الذى يعيش الحاله نفسها؟
يعرف هو فيه بالضبط , لازم كل واحد يعيش الحاله افتراضيا عشان يعرف ازاى يىتجنبها فعليا , بمعنى ان مافيش خطوات معينه او نصائح تمشى عليها لكن على عكس , النواقص لن يملاها الاانت لانه لايوجد من يعرفك اكثر منك
انا عارف ان الكلام ممكن يكون عام بزياده لكن المتهم بنفسه هو اللى هيفكر عشان يستفيد وغير كده, الموضوع اوسع من مجرد نجاح او فشل فى ماده او اتنين او حتى موضوع دراسه وكليات لكن لو الواحد بص بنظره اوسع النتيجه هتكون على قدر سعه التفكير.
معنى ابسط , لو الواحد بص على كل ناحيه من الميزان هيشوف بالنظاره اللى تناسبه , مثلا واحد يشوف نجاح وسقوط , الثانى امتياز وجيد جدا , واحد ثالث يشوف دراسه ورياضه وممكن غيرهم يشوف الحياه والموت
الخلاصه , احسن حاجه ممكن انصح بيها عشان العجله تمشى زى ما الواحد مخطط من غير ما التروس تتعطل والبرنامج يهنج هى الاجتماع مع نفسك بعدما تاخد اراء بعض الناس ف ى ادائك فى مختلف المجالات, بعد تعمل تقييم لما فات وتحضير لما هو قادم والمقياس الحقيقى الذى ستشعر به من خلاله بالتغيير هو النتائج التى ستكون بعد التطبيق الفعلى لكل ما ستقرره انت.
وكفايه فلسفه كده , واتمنى ان كل واحد يقرأ الكلام ده يستفيد منه
ولا يتركه ويهمله لانه لا يشعر بيه الا اذا وقع فىالمشكله نفسها