ســؤال للشباب و للبنات برضـــه . .

السؤال هو : هل بيأثر الإهتمام بالمظهر على استمرار الحب ؟
يعني لو انت / انتي بتحبوا , يفرق معاك اهتمام الطرف التاني بمظهره ولا ما يفرقش ؟
و عشان الناس متفهمش كلامي غلط , انا مقصدش يهمك شكله ولا لأ , لأن الشكل اولآ خلقة ربنا و كل واحد و ذوقه و حسب راحته , لكن انا اقصد الإهتمام بالمظهر , يعني تحب تشوفها واخدة بالها من نفسها و من شعرها و لبسها و وزنها و برفاناتها و كده ... ولا كل ده مش هيفرق معاك ؟
و انتي تحبي تشوفيه حالق دقنه - او يعني مظبطها للي بيطولوها- و عامل شعره شكله حلو و حاطط برفان هوجو - مش شرط يعني بس انا بحبها بكل افراد عيلتها بصراحة :) - و مروق نفسه كده ولا مش هتفرق معاكي ؟
و الكلام قبل و بعد الجواز لأن فيه كتيييييييييييييييييييييييييير اوي بياخدوا بالهم من الحاجات دي قبل الجواز بس رجالة و ستات .. و الأنيل ان بقى فيه كمان فكر جديد و هو ان من فتر الخطوبة مفيش اهتمام عشان يبقوا عارفين من الأول ..
يا ترى ايه رأيكوا ؟