خلى بالك من الدنيا شعر من تأليفى

اوعى تزعل نفسك يوم............ على الدنيا وتكون مهموم

ا أحسن حاجه انك تنسى.......... واوعى فى يوم عليها تلوم
الدنيا دى مش غداره............. ولا هيه جارحه وجباره

ده احنا الغدر جوانا............. ولا عمرها كانت قداره

اصحى بفه وعيد حساباتك......... وشوف اللى فاتك فى حياتك

وحاول انك تعيده وتكون ............ احسن من الاول بثباتك

اللى جرحك فى يوم سيبه.......... واللى دايما صاينك حبه

واوعى فى يوم تيجى يا قلبى......... على اللى دايما كنت فى قلبه


اعرف ليه هوه جرح فيك.................... يمكن يكون هوه اللى شاريك

وانت من غير ما تقصد زعلته................. وخليته غصب عنه يقسى عليك

فوق بقه من اللى انت فيه ................ وشوف القدر مخبى لك ايه

ياترى هيكون دايما معاك................. والا هيكون دايما عليك

عايز نصيحتى من غير خصام........... طب صلى على مسك الختام

انت اصلا انسان خيالى................ وفاكر الدنيا هزار وكلام

لازم نقوى ونتحداها.................... قبل ما تمشى ونبقى وراها

ونعلم بأيدينا على ................ اماكن الجرح ونتخطاها

اوعدنى انك

تنسى اللى عدى واللى راح................. صدقنى هتكون مرتاح

وان ما نسيتش يأسفنى اقولك............ الفرح عندك هيتحول لجراح