الفرق بين موبايلات الولاد والبنات

موبيل البنات:
بالنسبه للنغمات:
سهرانه طول الليل
الليله دى
خليك معايا
قد الحروف
ناس بتعرف تسمع اغانى بجد...
اما بالنسبه للخلفيات:
دباديب
قلوب
مناظر طبيعيه تفرح
ناس عندها ذوق....
اما بالنسبه للرسائل:
طبعا كلها رسائل حب
وحاجه كده كلها مشاعر واحاسيس معدومه عند ناس اصحابنا
اما بالنسبه لحاله الموبايل:
الموبيل بتاعهم كأنه لسه طالع من الكرتونه…
نصيحه اللى عاوز يشترى منكم موبيل يدور على واحده بتبيع موبايلها
اما بالنسبه للولاد:
الله لا يوريكم
بالنسه للنغمات:
الدنيا خربانه
المولد
الست لما
انتى دنيا
الليل والشوارع
يا خاينه
وطبعا الشباب بيطبقو حكمه لولا اختلاف الاذواق لبارت الاغانى
ياريتها كانت بارت واستريحنا….
اما بالنسبه للخلفيات:
طبعا بيحطو مناظر طبيعيه , بركان لسه منفجر
مناظر تسونامى
اشكال تموت من الرعب
على اساس ان لما يجى حد يمسك الموبيل يتخض فيسيبه فميلعبش فيه وجهه نظر برده…
اما بالنسبه للرسائل:
طبعا دى بقى مقدرش اقول فيها حاجه....
دي مجرد عينة:
-اهديك ثلاث وردات ورده مليانه حب وورده مليانه وفا وورده مليانه نحل يقرصك اذا نسيتني!!!
-عيونك مثل عيون النسر وصوتك مثل صوت البلبل وجسمك مثل جسم النمر ببساطه انتا اغرب حيوان!!!
اما بالنسبه لحاله الموبايل:
حاجه كده زى متقول دى عدد متجمعه
يعنى الموبيل عباره عن كذا عده فى بعض
وده طبعا من كتر الرمى من اى حته فى اى حته
وهيا تعتبر موبيلات على ما تفرج....