غلبان بيحب بنت هبلة(الحلقة الثانية)

احمد روح البيت وكل عظمة فى جسمه واجعاه من كتر ماجرى منها ومع ذلك قعد يضحك وهو مش عارف ايه اللى بيخليه بيحبها اوى كدا بس اكيد هو بيحبها والا مايستحملش منها دا كله
التليفون رن رد ايوا طلعت هى اتخط ايوا فيه ايه
كدا يااحمد تسيبنى وتجرى هو دا الحب
ايد ده انتى بتعيطى ياحبيبتى
لا بضرب علبة كشرى وجعانة اوى ماتعرفش تبعتلى سندوتش فى التليفون
احمد بيضحك ليسا ماركبوش الخدمه ديه
المهم انتى عايزه ايه عشان انا تعبان وعايز ارتاح
ازاى دا ابويا اللى هو عمك عايزك ضرورى
ماينفعش يتاجل الموضوع ده
لا يااحمد تعالى دلوقتى ضرورى
خد بعضه ونزل تانى وراح على بيتهم اللى فى اخر الهرم
ولما طلع الشقه فتحله اخوها كتكوت وهو مستغرب ازاى سموه كتكوت وهو ضخم زى الفيل
كتكوت قاله انتا مين وعايز ايه
اتخض احمد وهو بيقوله انا احمد
كتكوت وهو بيبص بهبل احمد مين وراح قفل الباب فى وشه
احمد خبط تانى برضوا فتح كتكوت وبص له بهبل وقاله انتا تانى هتقول انتا مين ولا اقفل
والله انا احمد اللى خاطب اختك
كتكوت وكمان بتهزر وراح قافل الباب فى وشه
احمد الظاهر انى مش هدخل النهارده
راح رن تانى طلعتلوا امها واللى ودنها تقيله
بتقوله ازيك ياابنى
ازيك ياحماتى
بتقول ايه مراتى مراتك منين الظاهر انك قليل ادب
وراحت قافله الباب
احمد وقع من المشوار اتصل بيها
فتحت انتا فين يااحمد
احمد ارجوكى افتحى الباب انا واقف قدامه
واقف قدامه وليه تقف ادخل
طيب افتحى
فتحتله الباب ودخل واترمى على اول كرسى
داخل ابوها بيقوله ياابنى مش براحه على الكرسى هو اقدك
معلش ياعمى انا اسف
ولايهمك
بنتك قالتلى انك عايزنى
ايوا فعلا ونادى على بنته هاتى العشا
ارجوك ياعمى اعفينى
طيب عليا الطلاق لتتعشى معانا
ساعتين واحمد مستنى العشا وكل واحد فيهم بيخرج بسنتدوتش
بص لعمه وقاله عمى ممكن امشى
ياابنى العشا جاى
شوية وجابوا صنيه عليها طبق غريب كله الوان
كل ياابنى دا معمول مخصوص عشانك
ايه ده ياعمى
ماتقلقش دا طبق مخصوص حاطين فيه بطاطس على جبنه على طماطم على طرشى واهو كله فيتامينات عشان تتغذى لحسن انتا بهتان
ارجوك ياعمى اعفينى المره دى
ازاى داانا عامله مخصوص عشانك كل
اضطر غصبن عنه ياكل اللخبطيطه اللى عملنها عشانه لقمتين وبطنه وجعته
عمى ممكن اروح الحمام
اتفضل
بيتسحب عشان يخرج ووصل للباب وبيفتحوا
وكتكوت لمحه
بابا الحق العريس بيهرب
الحقوه ياولاد
واحمد نازل على السلالم بيجرى
والاب بيجرى وراه ووراه كتكوت ووراه بنته
البواب فى ايه يااستاذ
ماحدش رد عليه
نازل حماه فى ايه يااستاذ عباس
لا العريس بيهرب من اكلة العيله
البواب طلع يجرى معاهم وهو بينادى امسك حرامى
فجاه الشارع اتملى واحمد بيجرى ووراه نصف سكان المنطقة
وعربية الشرطة اللى واقفة وراهم بتشوف فى ايه
وهويجرى
وكله وراه
والى اللقاء فى الحلقة القادمة