يوميات موظف مطحون

الاستاذ محروس معاه كوم عيال وموظف بسيط فى شركة
والمرتب يدوب مقضى والست مراته طلباتها كتير ومابتشبعش
طالع من المصلحة شايل البطيخة واتشعبط فى الاتوبيس
البطيخة وقعت على الباب قال دا يوم مش هيعدى
وهيبدا تحقيق الهانم فى البيت ازاى وليه ضيعتى البطيخه
زحمة كتير وزنقة والستات ياما وهو بيديهم طهره اصله بيخاف من مراته
دا مره ادى واحده وشه لقى مراته قدامه مايعرفش ازاى جات ومسكته
انتا بتخونى يامحروس وهو يجرى وهى تجرى وراه وكانت فضيحة
رجع البيت خبط على الباب
لازم يبعد عن الست ثنية جارتهم اللى مستنياه فى الطلعة وفى النزلة
استنيته اللواء فاطمة مراته كنت فين يامنيل
فى الشغل
الشغل لدلوقتى طلع اللى فى جيوبك
طلع اللى فى جيوبه على الطربيزه وكانه فى القسم
قعدت تشم هدومه وكانها فشر الكلبه لاسى فى مهمة خطيرة
مسكت شعرة
ايه دا يامنيل كنت مع مين
والله ماكنت مع حد
مسكت النضارة وقعدت تعاين الشعرة اه دى شعرة بنتك ربنا رحمك
تنفس الصعداء وظهر المحروس ننوس عين امه
بابا انا عايز طيارة جامبو
ليه ياابنى
اشغلها بالنفر واهى تجيب دخل
انتا عارف الطيارة بكام
ايه يعنى ربع مليون تختلسهم وانا هخلى ماما تستناك
ولما تخرج هنكون عملنا المليون
ومين هيسوق
ماتخافش يابابا انا هسوق وماما هتحصل الاجرة
اهو دا اللى ناقص
لازم يسايسهم
ماشى ياكريم احنا نبتدى بتكتك
صمت الوزير كريم واخذ يفكر
والله فكرة واومات امه براسها كالدبة
واخيرا نفد من المطب دا اهو تكت ارحم من طيارة جامبو
الى اللقاء فى الحلقة القادمة