عـــــــارفين الشعور ده ؟؟

عارفين

لما تفتكر حاجه كده

تحس انها بتشدك لذكريات

انت مش عارف ايه الذكريات دى

بتشدك لحاجه كده

بحاجه انت مش عارفهاا

و ممكن تدخلك فى شعور كده غريب

حزن مع الم مع فرحه

عارفين الشعور دة ؟؟



عـــارفيـــن

لما تسمع اغنيه كده

تلاقى نفسك بتبتسم من غير سبب

بس جواك حزين اوووى

و تلاقى شعور بدأ يدخل جواك

انت مش فاهمه

و تحاول تفهم ايه ده

وفى الاخر متفهمش

وتنزل دمعه منك

على ايام وذكريات كانت ليها علاقه بالاغنيه دى

عارفين الشعور ده



عـــارفيـــن

لما تروح تقف على البحر كده

وتاخد نفس عمييييق

بعديها تلاقى نفسك بتبتسم

بس جواك حاجه مش قادره تخرج

حاجه يمكن بتقطعك من جوه

و مش عارف تتخلص منها

عارفين الشعور ده



عـــارفيـــن

لما تبقى لسه صاحى من النوم

اليوم لسه مبداش اهو

وتلاقى نفسك على السرير لسه

و غصب عنك تنزل دمعه

ممكن تفضل ساعتين تعيط على المخده

المخده اللى تعبت مننا كل يوم

كل يوم يتحس بينا

قبل ما ننام

و تقوم من على السرير

و محدش يعرف حاجه

عارفين الشعور ده



عـــارفيـــن

لما تكونوا اصحاب متجمعين فى يوم كده

و كلكوا مهيسين و بتضحكوا

و اللى يشوفكوا من بعيد لبعيد

يقول الناس دى رايقه

وحياتها تمام اوى

و انتوا اصلا بتضحكوا بدل ما تعيطوا

و محدش حاسس بحاجه

و محدش فاهم حاجه

لا و ايه

محدش هيقدر اصل

انه لا يفهم ولا يحس اللى جواكوا




عـــارفيـــن

لما تلاقى نفسك كده

عايش شعور جميل اوى

مع نفسك

انت بتحب جديد

انت عاااشق

بس اللى يضحك

مفيش حبيب

انت لوحدك

بتحب و خلاص

هو انت اااه بتحب

بس اللى بتحبه ده مش موجود

طيب هو فين مش عارفه



عـــارفيـــن

لما تبقى عايز تسمع صوت حد معين اووى

واحشك اوى

عايز تسمع صوته

تطمن عليه

و تفضل مستنى

و مستنى..... ومستنى

و فى الاخر ميتصلش

لا و بعدين يتصل حد تانى

تقول اخيرا اهو

و ترد بسرعة

و تسمع صوت حد تانى

مش ده اللى كنت مستنيه

يا ترى عارفين كل الشعور دى وبتحسوا بيها ولا لأة ؟؟