مصر هى أمى ... ولا بتشتغلنى؟
أنا أبنها ضناها ... ولا بالتبنى ؟
بتفرق ليه ما بينى ... وبين أخويا الكبير
تطلع ليه في عينى ... لجل ما يلبس حرير
وتقولى أصبر شويه ... يا ضنايا يا نور عنيا
أمى بتضحك عليا ... ما أنا شايف خير كتير
مش لاقى فى بلدى شقه ... وأمى تقولى الظروف
أفطر وأتغدى دقه ... واللحمة للضيوف
وأخويا إبن اللذين ... واخد فيلا فى مارينا
وبسين وكمان جنينه
أنا ساكت غصب عنى ... ماهى أمى بتشتغلنى
مش لاقى وظيفة ليا ... أصرف منها وأعيش
ومعنديش محسوبية ... وبالتالى دخلت الجيش
وأخويا حظه نار ... وبيقبض بالدولار
أمى بتديله كوسه ... وتصدرلى الخيار
..............................
ومني انا
"تحيا جمهورية مصر العربية"
موضوع: مصر بتشتغلني 
2010-04-13, 10:08 pm
