هو بقى في رجاالة اصلا

موضوع: هو بقى في رجاالة اصلا 2010-04-19, 10:01 pm

هاااااي
ازيكم يا احلي شباب وبنات النهارده انا جايبة لكم موضوع لفت نظري اوي ومع اني بنت بس انا مش متحيزة للبنات في الموضوع ده بالذات
اترككم مع الموضوع
وما تنسوش تقولولي رأيكم
هو بقي فيه رجالة اصلا ........
بسم الله ماشاء الله الكلمة دي بقت موضه اليومين دول عند البنات , كل ما تسأل بنت يا حلوة ما اتجوزتيش ليه لحد دلوقتي , وليه ما وافقتيش علي العريس اللي اتقدم لك ؟
بعد ما تطلع فيه القطط الفطسانة تزرع الجملة دي
(هو بقي فيه رجالة اصلا )
وسعوا شويه كده ............. عزيزاتي الانسات ..... مصر مليانه رجالة لدرجة ان ما بقاش فيها بنات ايووووووووووووون
واللي مش مصدق يجي وراي للسطور اللي تحت .........
بتعرفي تطبخي يا حلوة ؟ .....
اعتقد ان كل الشباب المتزوج حديثا بيعاني من المشكلة دي لأن الست هانم ملهاش علاقة بالمطبخ لأنها السنين اللي فاتت من عمرها كانت مشغوله بالمكياج والمرايه وسماع اسامة منير , لتكون النتيجة بعد الزواج ارز شايط وفرخة مغسولة بالرابسو ....
يا ريت المسألة بتنتهي عند كده وبس ... لأ ده غير الغرامات المادية مش بس الخساير اللي بتحصل في المطبخ لكن كمان فلوس التيك اواي
اللي ها يجي من بره والميزانيه تضرب ........
يعني اجوزتك يا حبيبتي علشان تعينيني لقيتك خربتي بيتي ..........
واعوا تفتكروا ان الضعف العام الي بيعاني منه الطفل سببه الفقر لأ
السبب الرئيسي ان الامهات الشابات
ما بيعرفوش يعملوا اكله عدله لا للراجل ولا للبيبي
............................
طب تعرفي يا حلوة تعملي ميزانية ؟
معظم البنات اليومين دول شطار في عمل ميزانيه للميك اب وسي ديهات عمرو دياب
واليسا وتامر وممكن تكون رومانسية اوي بقي فتربيلها في البيت قطة والقطة عايزة اكل او سلحفاة والسلحفاة سخنت وعايزة تروح للدكتور.........
ويلاقيها مهتمة بالورد
يعني يعيش الورد والسلحفاة والقطة ويموت الراجل من الجوع .
.......................................
(انت مش مهتم بيا )
شعار خراب البيوت علي يد الاموره يبدأ من هنا وعلي شاكلتة (انت مابتحبينيش زي الاول )
ومن هذة الجمله يبدأ الشاب المسكين انه يثبت للهانم انه بيحبها ................. سينما يلا
.......... مصيف يدوب نلحق .......... الشهر اللي جاي يومين في شرم .......... وعلي هذا الاثبات غالبا بيتفصل الراجل من شغلة .........................
ولو ما حاولش يرضي الحلوة تلاقيها رافعة عليه تاني يوم
قضيه خلع .
الله يرحمك يا ست امينة يا اميره يا بنت الامرا
ويرحم ايامك اللي كانت الوحدة بترضي بأي حاجة وعمرك ما قولتي ده مش مهتم بيا
ثم فين البنت النهاردة اللي تقدر تستحمل ظروف الشاب
وتقدر تتحمل المسئولية
وتقدر تحافظ علي اسرار جوزها .........
ون غير ما تنشرها وتلاقيها تاني يوم عند صاحبتها مديحة , وانتيمتها رشا , وزميلتها في الشغل نهلة .
ثم ايه حكاية استكلالي وحريتي دي
والبنت قبل الجواز تقعد تقول عايزه فستان يكون احسن من فستان شوشو بنت طنط نجوي
وفرح يتحكي بيه ...................ومهر كذا وشبكة بكذا,...............
ده لو دفع فيها 50 جنيه وهي بالمواصفات دي تبقي واقفه عليه بخساره
اعزائي الانسات حلال فيكم العنوسه ومبروك عليكم اللقب الجديد
واللي ليه شوق في حاجة انا قاعدة اهوه ......
قال مش لاقين رجالة قال
................
حاجة تفقع !